Ola a todos, preséntome, son Alfredo. Encantado de que me esteades a ler. Tentarei nesta primeira publicación darme a coñecer un pouco para tratar de achegarme a vos e que teñades unha idea da persoa que participa, xunto con Alba e Talía, nos artigos que de aquí en diante publicaremos.
Nacín en Tui, unha pequena cidade do sur de Galicia, moi preto da desembocadura do Miño. Desde ben pequeno meu avó e máis eu soliamos ir a dar paseos pola beira do río. El foi o que me ensinou a apreciar a beleza e o privilexiados que somos os galegos de ter unha natureza tan característica e máxica. Non había árbore ou animal do que meu avó non soubese o nome!
Por iso, no momento en que Talía e Alba plantexáronme a idea de facer un blog no que falásemos das especies en extinción e tratásemos de concienciar á xente sobre a importancia de preservar a nosa fauna aceptei sen pensalo dúas veces.
Espero que vos gusten, interesen e que aprendades moito lendo as nosas publicacións.
Un saúdo cordial e ata o noso próximo artigo!
댓글